លេខអាយម៉ី (IMEI - International Mobile Equipment Identity) គឺជាលេខសម្គាល់ជាអន្តរជាតិសម្រាប់ទូរសព្ទចល័តឬឧបករណ៍ប្រើស៊ីម ដែលមានចំនួន ១៥ (ដប់ប្រាំ) ខ្ទង់ ចែកចេញជាទម្រង់ដូចខាងក្រោម៖

• លេខ ៨ (ប្រាំបី) ខ្ទង់ដំបូង ជាលេខកូដសម្គាល់យថាប្រភេទឧបករណ៍ (Type Allocation Code - TAC)
• លេខ ៦ (ប្រាំមួយ) ខ្ទង់បន្ទាប់ ជាលេខរៀងឧបករណ៍ (Serial Numbers - SNR)
• លេខ ១ (មួយ) ខ្ទង់ចុងក្រោយ ត្រូវប្រើប្រាស់សម្រាប់ត្រួតពិនិត្យខ្ទង់លេខអាយម៉ី។

លេខអាយម៉ី អាចត្រូវបានស្វែងរកដូចខាងក្រោម៖

• ចុច *#06# នៅលើផ្ទាំងលេខនៃទូរសព្ទចល័តរបស់លោកអ្នក
• ស្វែងរកនៅលើប្រអប់ដើមដែលភ្ជាប់មកជាមួយទូរសព្ទចល័ត
• នៅក្នុង “ការកំណត់ផ្សេងៗ” របស់ទូរសព្ទចល័តឬឧបករណ៍ប្រើស៊ីមរបស់លោកអ្នក។

សម្គាល់៖ ទូរសព្ទចល័តមួយ អាចមានលេខអាយម៉ីលើសពីមួយ ទៅតាមចំនួនស៊ីមនៃទូរសព្ទចល័តនីមួយៗនោះ។

ស្ថានភាពលេខអាយម៉ីនៃទូរសព្ទចល័ត អាចត្រូវបានពិនិត្យមើលតាមរយៈប្រព័ន្ធ EIRS ដោយឥតគិតថ្លៃ ដូចខាងក្រោម៖

• គេហទំព័រ: www.eirs.gov.kh ឬ www.imei.gov.kh
• កម្មវិធីទូរសព្ទចល័ត: ទាញយកកម្មវិធី “IMEI KH” ពី Play Store ឬ App Store
• សេវា USSD: ចុច *1205# ហើយធ្វើតាមការណែនាំ
  (ចំណាំ៖ សេវា USSD មិនដំណើរការចំពោះទូរសព្ទចល័តមួយចំនួន ដោយសារតែមុខងារទូរសព្ទចល័តនោះមានកំណត់)
• សេវាសារខ្លី: វាយអក្សរ CHK <ដកឃ្លា> និងលេខអាយម៉ី ១៥ខ្ទង់ រួចបញ្ជូនទៅលេខ 1205

សម្គាល់៖ ទូរសព្ទចល័តមួយ អាចមានលេខអាយម៉ីលើសពីមួយ ទៅតាមចំនួនស៊ីមនៃទូរសព្ទចល័តនីមួយៗ។ ដូចនេះ លោកអ្នកគួរពិនិត្យមើលស្ថានភាពលេខអាយម៉ីទាំងអស់ដែលមានក្នុងទូរសព្ទចល័ត។

លេខអាយម៉ីត្រឹមត្រូវ តាមរយៈប្រព័ន្ធ EIRS គឺសំដៅដល់ទូរសព្ទចល័តឬឧបករណ៍ប្រើស៊ីមទាំងឡាយណា ដែលមានលេខអាយម៉ីចំនួន ១៥ ខ្ទង់ ដែលក្នុងនោះ លេខកូដសម្គាល់យថាប្រភេទឧបករណ៍ (TAC) ត្រូវបានទទួលស្គាល់ដោយសមាគមជីអេសអឹម (GSMA) ។ លក្ខខណ្ឌផ្សេងទៀតនឹងត្រូវបានកំណត់ដោយក្រសួងប្រៃសណីយ៍ និងទូរគមនាគមន៍។

លេខអាយម៉ីមិនត្រឹមត្រូវ តាមរយៈប្រព័ន្ធ EIRS គឺសំដៅដល់ទូរសព្ទចល័តឬឧបករណ៍ប្រើស៊ីមទាំងឡាយណា ដែលមានលេខអាយម៉ីមិនបានបំពេញតាមលក្ខខណ្ឌនៃលេខអាយម៉ីត្រឹមត្រូវ ដូចមានចែងខាងលើ។

សម្គាល់៖ សូមកុំទិញទូរសព្ទចល័តទាំងឡាយណា ដែលមានលេខអាយម៉ីមិនត្រឹមត្រូវ តាមរយៈប្រព័ន្ធ EIRS មកប្រើប្រាស់។

លេខអាយម៉ីដែលបានចុះបញ្ជីទៅក្នុងប្រព័ន្ធ EIRS គឺសំដៅដល់លេខអាយម៉ីទាំងឡាយណាដែលបានកត់ត្រាទៅក្នុងប្រព័ន្ធ EIRS រួចរាល់ ដោយអនុញ្ញាតឱ្យដំណើរការនៅក្នុងប្រទេសកម្ពុជា។

ប្រភេទឧបករណ៍ ទូរសព្ទឆ្លាតវៃ និងទូរសព្ទធម្មតា តម្រូវឱ្យចុះបញ្ជីលេខអាយម៉ីទៅក្នុងប្រព័ន្ធ EIRS ដើម្បីអាចដំណើរការជាមួយស៊ីមកាតនៅប្រទេសកម្ពុជា។

នៅក្នុងដំណាក់កាលលើកលែងនៃការចុះបញ្ជីឥតបង់ថ្លៃ លេខអាយម៉ីនៃទូរសព្ទចល័តឬឧបករណ៍ប្រើស៊ីមនីមួយៗ នឹងត្រូវបានចុះបញ្ជីដោយស្វ័យប្រវត្តិទៅក្នុងប្រព័ន្ធ EIRS ដោយគ្រាន់តែដាក់ស៊ីមកាតឬអ៊ីស៊ីមឱ្យដំណើរការនៅក្នុងឧបករណ៍នោះ ​រួចធ្វើការហៅទូរសព្ទចេញឬផ្ញើសារខ្លីទៅលេខទូរសព្ទណាមួយជាការស្រេច។

នៅក្នុងដំណាក់កាលលើកលែងនៃការចុះបញ្ជីឥតបង់ថ្លៃ លេខអាយម៉ីនៃទូរសព្ទចល័តឬឧបករណ៍ប្រើស៊ីមរបស់លោកអ្នក នឹងត្រូវបានចុះបញ្ជីដោយស្វ័យប្រវត្តិទៅក្នុងប្រព័ន្ធ EIRS ដោយគ្រាន់តែដាក់ស៊ីមកាតឬអ៊ីស៊ីមឱ្យដំណើរការនៅក្នុងឧបករណ៍នោះ ​រួចធ្វើការហៅទូរសព្ទចេញឬផ្ញើសារខ្លីទៅលេខទូរសព្ទណាមួយជាការស្រេច។

សូមពិនិត្យមើលបច្ចុប្បន្នភាពនៃលេខអាយម៉ីដែលបានចុះបញ្ជីទៅក្នុងប្រព័ន្ធ EIRS រួច តាមរយៈមុខងារពិនិត្យស្ថានភាពលេខអាយម៉ីក្នុងកំលុងពេល៧២ម៉ោង។

ត្រឹមត្រូវ! សូមចុះបញ្ជីលេខអាយម៉ីទាំងអស់នៃទូរសព្ទចល័តរបស់លោកអ្នកទៅក្នុងប្រព័ន្ធ EIRS។

នៅក្នុងដំណាក់កាលលើកលែងនៃការចុះបញ្ជីឥតបង់ថ្លៃ លេខអាយម៉ីមិនត្រឹមត្រូវទាំងឡាយណាដែលបានចុះបញ្ជីនៅក្នុងប្រព័ន្ធ EIRS រួចរាល់ នឹងបន្តដំណើរការជាបណ្ដោះអាសន្ននៅក្នុងប្រទេសកម្ពុជា រហូតដល់មានការជូនដំណឹងពីអាជ្ញាធរមានសមត្ថកិច្ច។

សម្គាល់៖ សូមកុំទិញទូរសព្ទចល័តទាំងឡាយណា ដែលមានលេខអាយម៉ីមិនត្រឹមត្រូវ តាមរយៈប្រព័ន្ធ EIRS មកប្រើប្រាស់។

ដំណាក់កាលលើកលែងនៃការចុះបញ្ជីឥតបង់ថ្លៃ គឺជាដំណាក់កាលដំបូង ក្នុងការដាក់ឱ្យដំណើរការប្រព័ន្ធ EIRS ដែលកំណត់ដោយអាជ្ញាធរមានសមត្ថកិច្ចដោយអនុញ្ញាតឱ្យទូរសព្ទចល័តឬឧបករណ៍ប្រើស៊ីមទាំងអស់ ចុះបញ្ជីលេខអាយម៉ីឥតបង់ថ្លៃ ដោយស្វ័យប្រវត្តិទៅក្នុងប្រព័ន្ធ EIRS ដោយគ្រាន់តែដាក់ស៊ីមកាតឬអ៊ីស៊ីមឱ្យដំណើរការនៅក្នុងឧបករណ៍នោះ ​រួចធ្វើការហៅទូរសព្ទចេញឬផ្ញើសារខ្លីទៅលេខទូរសព្ទណាមួយជាការស្រេច។

មិនមានទាល់តែសោះ! វានឹងមិនមានផលប៉ះពាល់អ្វីទាំងអស់ដល់ទូរសព្ទចល័ត​ ហើយរាល់សេវាកម្មទូរសព្ទចល័តទាំងអស់នៅដំណើរការជាធម្មតា។

នៅក្នុងដំណាក់កាលលើកលែងនៃការចុះបញ្ជីឥតបង់ថ្លៃ រាល់ឧបករណ៍ប្រើស៊ីមទាំងអស់ត្រូវបានអនុញ្ញាតឱ្យចុះបញ្ជីលេខអាយម៉ីទៅក្នុងប្រព័ន្ធ EIRS ដូចខាងក្រោម៖

• ទូរសព្ទឆ្លាតវៃដែលប្រើស៊ីម ឬអ៊ីស៊ីម
• ទូរសព្ទធម្មតាដែលប្រើស៊ីម
• ទូរសព្ទអចល័ឥតខ្សែដែលប្រើស៊ីម
• កុំព្យូទ័រក្ដារបន្ទះដែលប្រើស៊ីម
• កុំព្យូទ័រប្រភេទភីឌីអេ
• កុំព្យូទ័រ និងកុំព្យូទ័រយូរដៃដែលប្រើស៊ីម
• ឧបករណ៍ដងហ្គោលដែលប្រើស៊ីម
• ម៉ូដឹមដែលប្រើស៊ីម
• ឧបករណ៍រ៉ោទ័រដែលប្រើស៊ីម
• សៀវភៅអេឡិចត្រូនិកដែលប្រើស៊ីម
• ឧបករណ៍អ៊ីនធឺណិតនៃវត្ថុដែលប្រើស៊ីម
• ឧបករណ៍ជីភីអេសដែលប្រើស៊ីម
• សម្ភារៈបំពាក់តាមខ្លួនដែលប្រើស៊ីម
• យានជំនិះដែលប្រើស៊ីម
• សម្ភារៈ ឬឧបករណ៍ផ្សេងទៀត ដែលកំណត់ដោយក្រសួងប្រៃសណីយ៍ និងទូរគមនាគមន៍។

បន្ទាប់ពីដំណាក់កាលនេះទៅ ឧបករណ៍ប្រើស៊ីមជាប្រភេទទូរសព្ទឆ្លាតវៃ និងទូរសព្ទធម្មតាដែលមិនទាន់បានចុះបញ្ជី គឺតម្រូវឱ្យចុះបញ្ជីលេខអាយម៉ីទៅក្នុងប្រព័ន្ធ EIRS ដោយបង់កម្រៃ។ កម្រៃនេះ គឺ ០ រៀល រហូតដល់មានការជូនដំណឹងពីអាជ្ញាធរមានសមត្ថកិច្ច។

ពិតណាស់! នៅក្នុងដំណាក់កាលលើកលែងនៃការចុះបញ្ជីឥតបង់ថ្លៃ ទូរសព្ទចល័តអាចប្រើប្រាស់បានធម្មតា ដោយគ្រាន់តែអនុវត្តតាមច្បាប់នៃព្រះរាជាណាចក្រកម្ពុជា។

ពិតណាស់! សូមពិនិត្យមើលស្ថានភាពលេខអាយម៉ីទាំងអស់ដែលមានក្នុងទូរសព្ទចល័តតាមរយៈប្រព័ន្ធ EIRS ជាមុនសិន មុននឹងសម្រេចចិត្តទិញទូរសព្ទចល័តទាំងនោះមកប្រើប្រាស់។

សម្គាល់៖ សូមកុំទិញទូរសព្ទចល័តទាំងឡាយណា ដែលមានលេខអាយម៉ីមិនត្រឹមត្រូវ តាមរយៈប្រព័ន្ធ EIRS មកប្រើប្រាស់។

នៅក្នុងដំណាក់កាលលើកលែងនៃការចុះបញ្ជីឥតបង់ថ្លៃ ភ្ញៀវទេសចរដែលប្រើប្រាស់ស៊ីមកាតឬអ៊ីស៊ីមនៃប្រតិបត្តិករទូរសព្ទចល័តណាមួយនៅក្នុងប្រទេសកម្ពុជា លេខអាយម៉ីនៃទូរសព្ទចល័តនោះ នឹងត្រូវបានចុះបញ្ជីដោយស្វ័យប្រវត្តិទៅក្នុងប្រព័ន្ធ EIRS ។

ដោយឡែក ភ្ញៀវទេសចរដែលប្រើប្រាស់ស៊ីមអន្តរជាតិ ទូរសព្ទចល័តនៅដំណើរការធម្មតា រហូតដល់ពេលមានការជូនដំណឹងដោយអាជ្ញាធរមានសមត្ថកិច្ច។

ពិតណាស់! សូមចងចាំលេខអាយម៉ីនៃទូរសព្ទចល័ត ដោយមធ្យោបាយណាមួយ សម្រាប់ប្រើប្រាស់នៅថ្ងៃអនាគត។

មិនមានទាល់តែសោះ! លេខអាយម៉ី គឺគ្រាន់តែកំណត់អត្តសញ្ញាណទូរសព្ទចល័តឬឧបករណ៍ប្រើស៊ីមតែប៉ុណ្ណោះ ដោយមិនពាក់ព័ន្ធនឹងអត្តសញ្ញាណនៃអ្នកប្រើប្រាស់ឡើយ។

សូមទូរសព្ទទៅកាន់លេខ ១២០៥ ដោយឥតគិតថ្លៃ ដើម្បីសាកសួរព័ត៌មានបន្ថែម។